- Ah, xa vexo que estades a celebrar a semana da prensa na escola.
O certo é que á prensa xa lle mandamos unha reportaxe das últimas desfeitas nos edificios do centro. Si, vale, os temporais foron ben fortes, pero xa antes deles tivemos que adicar gran parte do noso tempo a reclamar desperfectos por causa duns materiais de moi baixa calidade na remodelación do colexio.
Nós preferimos empregar o noso tempo en educar, e a prensa como recurso educativo, pero ás veces a súa función remata sendo a de secar o chan empapado polas goteiras. Un chan polo que a diario teñen que pasar ducias de alumnos do CEIP dos Muíños.
