Estamos a levar a cabo, entre o final do mes de xaneiro e o presente mes de febreiro, a auditoría interna. Susana, a nosa auditora-xefa, está a dirixir o traballo para, entre todas e todos, revisar os procedementos de cara a auditoría externa de Aenor, que agardamos que sexa no mes de marzo.
8/2/24
5/9/23
Comezo do curso 23-24
Damos comezo a un novo curso e, coma sempre, levamos a cabo o protocolo de acollida aos novos compañeiros e compañeiras cun paseo polo cole, ao tempo que os poñemos ao día da organización e funcionamento do centro.
29/3/23
Auditoría externa: 21 e 22 de marzo de 2023
Pasamos a auditoría sen grandes dificultades. Aí están as xefas moi concentradas. Este ano contamos coa presenza da nosa Inspectora e volvemos saudar a Noelia (a auditora) que xa había uns anos que non viamos.
26/1/23
Comezo da Auditoría Interna do curso 22-23
Deu comezo a auditoría interna o día 26 de xaneiro, empregando o mesmo sistema que o curso anterior e actuando Susana Seoane como auditora. Ao longo dunha semana faremos unha revisión completa do sistema de xestión da calidade.
4/9/22
Comeza o curso 22-23
Xa está aquí o novo curso con algunhas novidades. Por fin parece que comezaremos sen protocolo covid (fóra máscaras, grupos burbulla, distancias...). Tamén entra en funcionamento a nova lei, que se implantará de xeito gradual e afectará neste ano académico aos cursos impares. O resto das novidades están nas fotos: as compañeiras e compañeiro que se estrean no cole e aos que desexamos unha feliz incorporación. Tende paciencia con nós que somos boa xente!
5/7/22
As gráficas do curso 21-22
Aquí deixamos un resumo das enquisas sobre o grao de satisfacción da comunidade educativa en forma de gráficas.
Para velas todas fai clic aquí