Despois da Xunta de Avaliación

Agora que xa imos completando as Avaliacións é importante que lembremos a coordinación entre os distintos mestres do centro. A información debe estar a disposición dos interesados. Neste caso, o recollido na Xunta de Avaliación debe ser comunicado á Xefa de Estudos. Entrégaselle a acta coas observacións feitas, para que poida redactar o balance educativo do trimestre. Non esquezamos que pode haber decisións e comentarios que non se inclúen na acta. Por isto, debemos rexistrar estas consideracións nunha folla aparte, ben en formato libre, ou ben no documento "Consideracións derivadas da Xunta de Avaliación". Deste modo, a Xefa de Estudos poderá dispoñer de todos os datos no caso de ter que informar ás familias, ou coordinar ao profesorado.