Auditoría interna 2020

Xa temos data para a auditoría interna deste curso 19-20. Será o vindeiro martes, 28 de xaneiro de 2020. Como é habitual exercerán o papel de auditores compañeiros da Consellería e do CRA de Ponteceso. Tamén contaremos coa presenza da nosa nova inspectora. O plan de traballo para ese día xa está en marcha e a tarta de mazá, encargada.

Comeza o curso 2019-2020

Comezamos un novo curso cos habituais síntomas de preguiza inicial e o típico: «parece que foi onte cando nos despediamos desexándonos un bo verán e xa estamos de volta...». Veña, ánimo, que xa está aí o Nadal!!!

Aí van as fotos da acollida e do primeiro claustro. Aquí trabállase moito!!!

Xornada de acollida ás familias do alumnado novo para o curso 2019-2020.

Albún de fotos, aquí

Auditoría externa.

Logo de diversos cambios de calendario, a auditoría externa quedou adiada ao 30 de abril.

Auditoría interna

Pasamos a auditoría interna do curso 1819. Acompañáronnos dous membros da Consellería e as habituais compañeiras do CRA de Ponteceso. Todo foi ben pero, como sempre, o mellor foi a tarta de mazá.

Curso: extinción de lumes.

Aí estamos tod@as, xogándonos o tipo fronte ao perigo. E o perigo era unha que levaba casco...!!!

Comezamos o curso 2018-2019...

Onte, luns, 3 de setembro tivo lugar o tan desexado reencontro logo do periodo vacacional. Canto nos botabamos de menos!!!
Levamos a cabo o protocolo de acollida para que o profesorado de nova incorporación coñecese o centro.
Por aquilo dalgunhas permutas pendentes é posible que cambie algunha cara, pero aí estabamos onte, ao pé do canón...