O Remuíño

En días como hoxe

2012-01-17T11:56:00.000-08:00

En días como hoxe todos nos achegamos ao taboleiro para ver onde temos que ir substituir. En días como hoxe non chega o tempo para nada. En días como hoxe, calquera cambio sobre o horario previsto é cousa esperada. En días como hoxe podemos aproveitar para ver á dire polo chan facendo de técnico da UAC.

En días como hoxe, en fin, agradécese volver a casa e pensar que todos nos tomamos os imprevistos cun sorriso e boa vontade, ata máis alá das cinco e media. Grazas pola "pasensia" e boa vontade de todos.

Plan estratéxico

2012-01-15T02:23:00.000-08:00

Defintivamente, o da imaxe sería o mellor momento para difundir o Plan Estratéxico, pero este curso houbo outras prioridades, e o tempo é o que hai; de modo que, aínda que se está aplicando, non puidemos difundir de forma axeitada ata este momento, e aqui o tedes. Este é o Plan comezado no 2008 que se prolonga durante todo o mandato do Equipo Directivo. Como vedes, fóronse cumprindo obxectivos (os que están en azul) e outros foron engadidos (os que están en vermello) nos sucesivos cursos. Este Plan Estratéxico aparece recollido curso a curso no Plan Anual, que publicaremos nos vindeiros días.

Plan de Formación

2012-01-07T09:49:00.003-08:00

Aínda que xa inciamos a súa aplicación, co comezo do curso, o Plan de Formación correspondente a 2011-2012 desenvolverase principalmente neste segundo trimestre. Para que poidades facer as vosas previsións, tédelo aquí á vosa disposición.

Lembra que, para elaborar este plan tivéronse en conta as necesidades previstas polo calendario escolar, e as recollidas na enquisa de formación na que colaborastes.

Avaliación Inicial

2011-09-26T09:52:00.002-07:00

Agora que estamos xa metidos en materia, toca observar ao alumnado. É o momento de diagnosticar, para saber cal é a situación na que se encontra cada un con respecto á media da clase, e de sondear posibles necesidades de reforzo, apoio ou outras medidas. Temos dous documentos que nos sirven para rexistrar estas observacións: o mapa de clase e o rexistro de avaliación inicial. Este último cúbrese no XADE, e podes utilizar como apoio as instruccións que se dan aquí. O "Mapa de Clase" é un documento interno de moita utilidade, tanto para os titores como para os especialistas, que de un so golpe de vista poden ter unha impresión global de cada grupo.

Preparación do primeiro día

2011-09-09T07:48:00.001-07:00

As clases comezarán o día 13 de setembro. Seguramente unha boa parte do alumnado quedará na casa para recuperarse das festas da Barca, pero o que se presente deberá ser acollido como se merece. Para que o día transcorra con tranquilidade, celebramos hoxe unha reunión e puxémonos dacordo sobre o horario a seguir. Se queres consultalo, preme aquí e poderás velo con detalle.

Aproveitade ben este fin de semana. E vide o martes cun grande sorriso na cara e as baterías ben cargadas. Comezan as clases.

Xa temos a axenda

2011-09-05T14:10:00.000-07:00

Hoxe rematou o reparto da axenda entre os mestres. Cando o alumnado se incorpore ao centro, as novas axendas para o curso 2011-2012 estarán preparadas, para que coas súas letras miúdas e imperfectas rotulen o nome na portada. O seu interior irase enchendo de anotacións, datas imprecisas e deberes por facer. Esperamos todos que sexa un veículo de comunicación entre a escola e as familias, asegurando o percorrido dos pequenos pola nosa nova escola.

Open publication - Free publishing - More ensino

Reanudando

2011-09-04T12:16:00.001-07:00

Entre ruídos, golpes, traslados e obras varias, a pesares de todos os inconvintes, o claustro reuniuse por fin para organizar o curso. Reanudar podería ser a palabra exacta, porque neste momento volvemos "atar" ou "anudar" todo o que tivemos que desfacer ou desatar no mes de xuño. Facémolo na confianza de que estes novos nós nos manteñan firmes e unidos para afrontar un novo ano de traballo con nova xente, novas cores, novo aire... Por iso é preciso destacar a paciencia do profesorado, a boa disposición e as gañas amosadas a pesares das incomodidades nas que estamos traballando.

Durante esta reunión o profesorado adscribiuse a grupos, ciclos e equipos e se escolleron coordinacións. Tamén foi revisado o calendario escolar, e fixamos como día non lectivo o 18 de maio, á espera da autorización da Xefatura Territorial.

Cambiar paradigmas

2011-08-23T07:19:00.000-07:00

Agora que xa estamos ás portas dun novo curso, chega o momento de reflexionar. Ken Robinson, experto en creatividade, amósanos que todos nacemos cun alto grao de creatividade, que imos perdendo conforme avanzamos na educación. Estamos equivocándonos?

Auditoría Externa

2011-03-16T12:07:00.000-07:00

Como todos sabedes, a Auditoría Externa desenvolveuse durante dous días, o 28 de febreiro e o 1 de marzo. Tratábase dunha ocasión especial, xa que esta era unha auditoría "de renovación": hai que facela cada tres anos, para asegurar que o Sistema que temos deseñado goce de boa saúde, amosando que todos os rexistros se manteñen ao día, e que o traballo se actualiza e renova.
Durante a primeira xornada auditáronse as actividades de aula, e colaboraron no traballo as profesoras de Educación Física, e as titoras de 5º de primaria e de 6º de infantil . Queremos agradecer especialmente a súa dispoñibilidade. Tamén foi revisado todo o apartado de Orientación, no que participaron a orientadora e os mestres de PT. Sen o seu bo facer sería moi difícil poñer ao día este procedemento, un dos máis importantes para o noso labor, porque nel conflúe unha boa parte das nosas tarefas. Auditouse no propio luns a Xefatura de Estudos, e iso supón un enorme esforzo para Begoña, que acaba de estrearse no cargo neste curso.

No segundo día foron auditadas as responsabilidades da dirección e a xestión do sistema. Tivemos a sorte de contar coa presenza do Inspector Xefe e da Inspectora de Zona, que fixeron interesantes aportacións durante a auditoría. Con eles realizamos a visita ao centro, para revisar as infraestructuras, un dos nosos puntos febles.

Unha vez revisados todos os rexistros e o propio centro, a auditora, Patricia, encerrouse no despacho para redactar o Informe de Auditoría. Cando rematou, recibimos a boa noticia de que so resultaran dúas non conformidades:
- Infraestructuras: detállanse as carencias que presenta o centro, e que xa foron detectadas noutraas ocasións (simulacros de autoprotección, inspeccións de sanidade,...). Por outra parte, temos constancia delas polas constantes anotacións no caderno de mantemento, e os resultados das enquisas de grao de satisfacción que realizamos en abril.
- Servizos: Faltan algúns rexistros da nosa actividade docente. Trátase dunha proba máis da situación na que comezamos este curso. Lembrade que, ao inicio das clases faltaban 5 mestres por nomear, algúns deles titores; non tivemos unha segunda especialista de inglés ata finais de outubro, e a responsable de Orientación adscribiuse a este centro neste curso. Con todo, o balance é máis que satisfactorio, se temos en conta o número de baixas e conseguintes substitucións producidas.

Xa temos redactados os informes que enviaremos á empresa AENOR. Neles detallamos o que imos facer para dar solución ás non conformidades detectadas:
- Manteremos o contacto coa Consellería, para facer un seguimento das obras que se van executar, con especial atención nos puntos febles sinalados no informe de Patricia.
- No comezo do vindeiro curso procuraremos poñer a disposición do profesorado (especialmente do de nova incorporación) a documentación necesaria para o seu labor. Veremos se é posible iniciar o curso con normalidade, con tempo suficiente para formarnos e adaptarnos.
Para rematar, pensamos que é preciso destacar os puntos fortes detectados pola auditora, e que son produto do esforzo diario dos profesionais que traballan no centro. Por todo isto, felicitámonos e agradecemos aos mestres, ás mestras e ao pesoal non docente a súa ilusión e o seu esforzo.

Resultados da Auditoría Interna

2011-02-02T12:15:00.000-08:00

Agora, rematando o día 2 de febreiro, é o momento de lembrar, recompoñer e reflexionar. A Auditoría Interna caracterizouse polo clima de traballo aberto, relaxado, e de colaboración, tanto dentro do grupo auditor, como fóra. Somos conscientes do enorme esforzo que supón para todos o día da auditoría, e por iso debemos felicitarnos polo seu resultado.
Con todos os datos recollidoselaborouse unha lista na que se resumen as áreas auditadas e as non conformidades detectadas. A modo de resumo de todo o proceso, elaborouse un informe, que será presentado cando se celebre a Auditoría Externa.
Podes ver o resultado resumido nesta gráfica:

Isto quere dicir que temos abertas catro non conformidades; para cada unha delas buscaremos unha solución, e redactaremos un pequeno informe do que pensamos facer. Así de simple. Son moi sinxelas:
- Debemos expoñer o "Plan Estratéxico" no taboleiro de anuncios da calidade. Coas présas, a principios de curso, esquecéusenos, e só colgamos o "Plan Anual".
- Aínda que o botiquín (caixa de emerxencias) foi renovado en setembro, esquecéusenos actualizar a folla de mantemento, e figura a de decembro do 2009. Substituirémola.
- Será preciso divulgar o Plan de Acción Titorial, que xa está elaborado, para poder aplicalo realmente. Sabemos todos que o de Orientación é un traballo especialmente complexo e que no noso centro presenta unhas dificultades agravadas polo alto número de casos que atender e a sobreocupación que ten a responsable. Convén que apareza esta non conformidade porque é un fiel reflexo das áreas nas que o noso centro merece especial atención.
Aquí tedes en imaxes un resumo da xornada:

O Día da Auditoría

2011-01-30T12:12:00.001-08:00

Así, con maiúsculas, porque todos pensamos que o Día da Auditoría debería ser festivo, non? Non é festivo, pero podemos tomalo con alegría, por que non? Xa sabemos que estaremos algo liados, e que a algúns nos tocará madrugar máis ou marchar máis tarde; unha vez asumido, tomémolo con filosofía. A auditoría interna servirá para que melloremos o noso traballo, para que cada día esteamos máis seguros dos que imos facendo, e que isto sexa recoñecido como un valor de auténtica calidade. A estas alturas xa estamos seguros de que "isto da calidade" non supón mellores instalacións ou máis cartos no centro, pero si maior coordinación e mellor comunicación.

O día 1 de febreiro Ana Montáns e Rosa Barreiro virán desde Ponteceso para axudarnos e compartir con nós a súa longa experiencia. A súa colaboración sempre proporciona simplicidade ao noso sistema, e son unhas excelentes aliadas para mellorar o noso labor. Tamén nos acompañarán José Manuel Carbia Pichel e Juan José Cano Fernández, que traballan como asesores na Consellería pero que tamén son mestres, con moita experiencia neste tipo de traballo. Colaboramos con eles no Grupo de Traballo do que formamos parte en Santiago.

Que pasa o día 1?

O primeiro que faremos será reunir a todo o grupo auditor para unha primeira toma de contacto. Despois, repartirémonos en grupos, para revisar toda a documentación e rexistros que levamos acumulado desde marzo do ano pasado (data da última auditoría). Un dos grupos estará adicado a revisar a documentación correspondente a dirección, outro grupo revisará a de secretaría, outro a de xefatura de estudos, e outro máis a de actividades de aula. Aquí é onde pedimos a v

osa colaboración. Se resultas seleccionada (escóllese ao chou), non tés máis que aportar o teu caderno do profesor, ou o teu diario de clase, ou onde sexa que recollas o que fas diariamente, e onde reflictes o seguimento do alumnado.

Que pasa se non dispoñemos do que nos pide?

Nada en absoluto. Moitos de vós estaredes preocupados por se vos falta este ou aquel papeliño, ou se non tedes todo ben apuntado, ou calquera outra cousa. Se algo falta, ou non aparece no momento da auditoría simplemente se anotará : "Non hai evidencia de que exista o rexistro....." sen nomes, sen cursos e sen referencia persoal algunha. Nunha auditoría non se buscan NUNCA culpables ou responsables, senón simplemente a causa de que algo non estea como estaba previsto.

O Equipo Auditor se reunirá co profesorado na hora do recreo, na que coincidiremos para tomar café (e galletas, se hai). Logo, seguiremos auditando ata as 14.30, hora na que faremos unha pausa para comer. Ás 15.30 volveremos reunirnos todos para "volcar" todos os datos recollidos nun informe final, que se publicará neste "Remuíño".

As Auditorías son unha excelente oportunidade para intercambiar información e aprender. Xa estamos habituados a colaborar, compartir e traballar en equipo. Este será un paso máis, que sabemos será unha experiencia moi positiva para todos.

Falaremos o mércores.

Feliz semana!

Simulacro de evacuación

2011-01-17T01:57:00.000-08:00

O día 13 realizouse na escola o ensaio de simulacro de incendio. O obxectivo era comprobar se todo o alumnado e o persoal está preparado para un simulacro real. O tempo empregado no desaloxo (2 minutos e 32 segundos) demostra que o alumnado está sobradamente preparado. O persoal responsable de cada planta encargouse de desconectar o fluido eléctrico e revisar todas as dependencias, e o persoal de cociña comprobou que o gas estaba cortado. Deste modo, todos se reuniron no patio cumprindo coas consignas, o que mereceu a felicitación do xefe de bombeiros.
O persoal do Parque de Bombeiros de Cee trasladouse ao centro, e despois de comprobar que o desaloxo se realizaba segundo o estipulado, realizaron eles mesmos un simulacro de extinción de lume na cociña. Despois, contestaron ás preguntas que o alumnado lles fixo, para aclarar dúbidas sobre medidas de seguridade, e sobre todo sobre o propio traballo e equipamento dos bombeiros.
Para rematar, accederon co camión ao recinto da escola, e realizaron unha proba de rescate no segundo andar do edificio de ampliación, para saber se se podería efectuar un salvamento sen problemas.
Agradecemos ao Parque de Bombeiros de Cee a súa colaboración, moi valiosa para a seguridade do alumnado e o persoal da nosa escola.

Avaliación e autoavaliación da práctica docente

2011-01-09T11:58:00.000-08:00

Debemos avaliar non só a marcha da nosa programación senón tamén a nosa práctica docente. Para iso temos dous modelos:

- Autoavaliación da práctica docente: cubrimos unha soa. Nesta ocasión so debemos facelo ao rematar o primeiro e o terceiro trimestre. Enviámola por correo electrónico.

- Avaliación da práctica docente: debe facela o noso alumnado a partir de 3º de primaria. Entregaremos unha copia a cada alumno. Se vos fixades, en cada folla hai espazo para avaliar a cinco mestres. Repárteas cada titor ou titora na súa aula, e unha vez recollidas, entréganse en Xefatura de Estudos ou Dirección.

Avaliación da programación

2011-01-09T10:50:00.000-08:00

Na Orde de Avaliación do 23 de novembro de 2007 establécese:

Artigo 17º.-Avaliación dos procesos de ensino e da práctica docente.

As mestras e mestres avaliarán, nas sesións de avaliación do seu grupo, os procesos de ensino e a súa práctica docente en relación coa adecuación ao alumnado, co logro dos obxectivos da etapa e das áreas, e co desenvolvemento das competencias básicas. Esta avaliación incluirá, polo menos, os seguintes aspectos:

a) A adecuación dos obxectivos, contidos e criterios de avaliación ás características e necesidades do alumnado.

b) As aprendizaxes acadadas polo alumnado.

c) As medidas de atención á diversidade aplicadas.

d) A programación e o seu desenvolvemento, a organización da aula, o aproveitamento dos recursos do centro e os procedementos de avaliación do alumnado.

e) A coordinación entre os mestres e mestras do ciclo e entre os diferentes ciclos e do profesorado do terceiro ciclo co de educación secundaria.

Para facilitar o traballo, proporcionamos un modelo no que podes analizar a túa programación. Lembra que debe ter un sentido práctico, e que non se trata de "cubrir papeis" por cubrir, senón de reflexionar acerca da idoneidade do que estás a facer coa túa programación, buscando melloras. Este documento cubrirémolo unha vez por trimestre. O mellor é que gardes a súa versión en word e que o cubras no ordenador, para facilitar o traballo. Débese facer esta avaliación en cada área e nivel que se imparte.

Por se queres ver algunha xa feita, a nosa directora adiantounos as súas. Aquí tés a avaliación da súa programación de galego de 4º para o 1º trimestre.

Despois da Xunta de Avaliación

2010-12-11T10:27:00.000-08:00

Agora que xa imos completando as Avaliacións é importante que lembremos a coordinación entre os distintos mestres do centro. A información debe estar a disposición dos interesados. Neste caso, o recollido na Xunta de Avaliación debe ser comunicado á Xefa de Estudos. Entrégaselle a acta coas observacións feitas, para que poida redactar o balance educativo do trimestre. Non esquezamos que pode haber decisións e comentarios que non se inclúen na acta. Por isto, debemos rexistrar estas consideracións nunha folla aparte, ben en formato libre, ou ben no documento "Consideracións derivadas da Xunta de Avaliación". Deste modo, a Xefa de Estudos poderá dispoñer de todos os datos no caso de ter que informar ás familias, ou coordinar ao profesorado.

Que teño que facer na Xunta de Avaliación?

2010-11-23T03:18:00.000-08:00

Se és especialista, a túa función será participar da reunión aportando todas as observacións que consideres necesarias, sen sairte do tema. A primeira será comunicar ao titor que coordina a reunión que porcentaxe de programación cumpriches. Por que se fai isto? Imaxínate que a programación non chegou a cumprir o previsto (p.ex., un 80%) en catro áreas; habería que analizar as causas: o grupo é conflitivo?, o grupo é "lento"?, programáronse demasiados contidos?, coincidiron demasiados días non lectivos nestas áreas?... Habería que analizar as causas e propoñer melloras.

É conveniente que leves contigo o caderno do profesorado, porque sempre se nos esquece algo se nos fiamos da memoria.

Se és titora ou titor, ti és a responsable de coordinar a sesión de Avaliación, e procurar que sexa áxil e que ninguén se saia do tema.

Empezaremos a cubrir a acta pola segunda páxina. Aquí comeza a lista do alumnado. Hai dúas columnas: a de "faltas" e a de "áreas suspensas" ("obxectivos non cumpridos" no caso de infantil). Na columna de "faltas" consignaremos o número total de sesións ás que faltou cada alumno (facilitarásevos na folla de rexistro de XADE). Considérase que, se supera un 15% das sesións totais pérdese o dereito á avaliación continua (aínda que as faltas estean xustificadas); neste caso, o alumno ou alumna debería ser avaliado cunha proba obxectiva, e esta circunstancia debe ser comunicada á familia.

Anotaremos na acta, seguindo as claves, a causa ou causas desas faltas, e as medidas a tomar. Tamén as anotaremos no noso caderno, para o seu seguimento.

Na columna "áreas suspensas" procederemos da mesma forma: anotamos o número de áreas suspensas, as que consideremos causas deses suspensos, e as medidas a tomar. En caso de que un alumno ou unha alumna suspenda tres áreas ou máis considerámolo "alumno non conforme". Non esquezas anotar as causas e as medidas a tomar tamén no teu caderno.

Unha vez repasemos toda a lista, xa podemos cubrir a primeira folla da acta. Verás que aquí trátase de facer unha especie de resume, que lle será moi útil á Xefa de Estudos para facer o seu "balance educativo", e tamén á Responsable de Calidade, para tirar conclusións da marcha da 1ª avaliación.

Xusto embaixo do encabezado debes anotar que áreas non cumpren a porcentaxe de programación impartida (o apartado no que pon NC non debes cubrilo).

Na columna que hai embaixo consígnase cantos alumnos están por enriba do límite de faltas (número de alumnos e porcentaxe sobre o total de alumnos da túa aula). Dispós dun espazo para anotar o que comentedes en caso de que sexa un número de alumnos elevado (sería un grupo non conforme, e habería que analizar as causas e tomar medidas como grupo).

Anotarás tamén que mestres están ausentes da sesión.

Á dereita, faise constar o total de alumnos que están por enriba do límite de suspensos (é dicir, cantos alumnos suspenderon tres áreas ou máis), e a porcentaxe sobre o total. Se supera o criterio de non conformidade, deberedes analizar as causas e acordar medidas como grupo. Neste caso é aconsellable tratar o tema na vindeira reunión de ciclo.

Xa só queda asinar a acta por parte de todos os mestes asistentes. Asegurádevos de que están cubertos todos os datos, para garantir que o proceso está correctamente desenvolvido.

E rematado o traballo, xa podemos darnos por satisfeitos! Ánimo... Xa queda menos para o Nadal!

Non esquezas consultar calquera dúbida que teñas, por pequena que che pareza. O equipo directivo sempre estará disposto a axudarche. Unha vez collida a rutina da avaliación, todo resulta moi sinxelo e útil.

Documentos para a avaliación

2010-11-23T01:15:00.001-08:00

Antes de comezar a sesión de avaliación, e ademáis de ter presente a acta de XADE coas cualificacións imprimidas, cada titora e titor deberá ter estes documentos:

O noso modelo de "Acta de Avaliación":

É diferente do modelo XADE, porque aquí, ademais de sinalar o número de áreas suspensas e o número de faltas de cada alumno, se acordarán as medidas a tomar en caso de que superen o límite (15% de faltas sobre as sesións totais, ou ter máis de dúas áreas suspensas). Debe ir asinada por todos os asistentes.

A folla de "Claves de apoio":
Servirá para que saibamos o significado das letras e os números que aparecen nas follas da acta da avaliación.
Tamén é importante que estes datos estean rexistrados no noso caderno, o do profesorado ou o da titoría, para facer un seguimento das medidas acordadas.

Por último, debemos ter os "Criterios de non conformidade no control dos cursos", que precisaremos no caso de que o noso grupo non sexa conforme.

En caso de que che falte algún, podes visualizalo, e mesmo imprimilo, premendo no hipervínculo.

PRIMEIRA AVALIACIÓN

2010-11-23T01:08:00.000-08:00

Chegou o momento de avaliar. Agora é cando temos que facer unha revisión de todas as anotacións tomadas durante o trimestre, e calcular a cualificación que lle outorgaremos a cada alumno. No caso de infantil, haberá que reflectir a superación ou non dos items escollidos e decidir logo se se acadaron obxectivos. Moito traballo.

Antes de poñernos mans á obra deberemos ter presente o calendario de avaliacións. Hai dúas datas reflectidas: a de entrega de borradores e a da xunta de avaliación.

É preciso ter marcadas as notas en XADE dous días antes da avaliación para que a secretaria poida imprimir os borradores (as actas XADE), e que estean a disposición das titoras e titor correspondente. Non esquezas consultar o calendario e as datas que che corresponden.

Os consellos de Elsa Punset

2010-10-27T13:20:00.000-07:00

Hai xa unhas semanas que buscaba este video, do que me falou Aurelia. Coñecedes "El Hormiguero"?: Elsa Punset ten unha sección fixa na que da consellos moi interesantes, e con base científica, para axudarnos a superar certas dificultades. Na vida diaria, no traballo, nas relacións persoais, preséntansenos moitas situacións que, cando remata o día producennos unha sensación de cansanzo e malestar que aumenta a nosa tensión para afrontar un novo dia. O noso cerebro é un experto en fixar a atención nas cousas negativas, e isto deprime aínda máis o noso ánimo. Despois de practicar os exemplos que ela propón (a min deixáronme pasmada, aínda que recoñezo que son pouco observadora), recoméndovos que probedes a seguir o seu consello. Facédeo, como o do Plan Activia, polo menos quince días, e contádenos logo se vos deu resultado. Hai que ser sinceros , eh? Saúde e sorte!

Satisfeitos coa acollida?

2010-10-19T04:25:00.001-07:00

Un dos indicadores que pode dar fe das condicións nas que se iniciou o curso é o da acollida ás familias de nova incorporación. Entre o novo alumnado de 3º repartíronse enquisas para avaliar o seu grao de satisfacción. Consideramos que as respostas son satisfactorias se obteñen unha cualificación de 3 ou 4. O 80% das enquisas deben ser satisfactorias. Eis os resultados.

Como vedes, o 54% das enquisas resultaron non conformes (tiveron unha puntuación por embaixo de 16 sobre 20, porque puxemos o listón moi alto).

Se observamos o resultado polo miúdo, proporciona información moi interesante:

As preguntas non satisfactorias son a 2ª ("Xa sabes onde está cada lugar (a biblioteca, a aula de inglés, dirección, os baños,...?"), e a 4ª ("Entendes as normas do Regulamento de Réxime Interno?".)

As sastisfactorias (con cualificación de 3 ou 4) son a 1ª ("Gustouche a visita que fixeches ao centro?") e a 5ª ("Sabes usar a axenda?"). A pregunta 3ª ("Entedes a información sobre o horario escolar?" ten unha aceptación media.

Naturalmente, isto non quere dicir que os nosos alumnos de 3º non se saiban mover polo centro, ou que non saiban que está ben feito ou mal feito. So quere dicir que unha boa parte deles, no momento de comezar as clases, se sentían desorientados. Este resultado é lóxico, xa que nós mesmos, dadas as condicións nas que se desenvolveu o inicio deste curso, nos sentíamos igual.

Por esta circunstancia, entre outras, os rexistros que obtemos de cada actividade nos serán moi útiles á hora de reflectir as nosas condicións de traballo, e de reclamar diante dos responsables, melloras para o noso centro, se é que buscamos presumir dun ensino de calidade.

A orixe das boas ideas

2010-10-19T01:15:00.000-07:00

"Elogio a la lentitud" (noutras versións "Elogio de la lentitud") é un libro escrito por Carl HONORÉ, e publicado xa no 2005, que se insire no movimento SLOW, unha corrente de pensamento que promove a vida lenta como favorecedora da felicidade. O traballo en exceso, os horarios sobrecargados, a tensión e as preocupacións xeradas por situacións laborais caóticas non favorecen a productividade e a eficiencia no traballo. Esta mesma filosofía pode aplicarse, por suposto, á forma de comer ("slow food" frente a "fast food"), de deseñar as cidades e o noso espazo vital, de educar aos nosos fillos, de distribuir o noso tempo libre, e mesmo de facer o amor (aínda ninguén escoitou nada sobre o "sexo tántrico"???).

O video de embaixo é unha forma moi clara de presentar de onde proceden as mellores ideas, e penso que detrás destas imaxes subxace unha constante: o descanso. As mellores ideas non xurden espontáneamente, senón que teñen un tempo de reflexión, de maduración, de relax ... O noso cerebro responde mellor cando descansa, funcionamos mellor cando aproveitamos o noso tempo de lecer, cando disfrutamos da familia, dos amigos, dos compañeiros de traballo,... en definitiva, cando buscamos deses instantes, mesmo breves, de felicidade (mellor se é compartida). Poderíamos aclarar ás nosas autoridades que o "SLOW" non significa "non facer nada", "ser inoperante", ou "botarlle o morto a outros", senón "repartir mellor os recursos en beneficio de todos"... Tómate o teu tempo e mira o video... a ver se se che ocorre unha boa idea!

Grazas a "Mesturas" por compartir a súa sabedoría.

A viaxe de María

2010-10-13T01:48:00.000-07:00

Durante o curso pasado tivemos dous encontros coa orientadora do C.E.P. "Riomaior"; ela púxonos na pista do que era a escola inclusiva, e comezou coa sensibilización cara aos nenos que, vivindo na nosa escola, viven noutro mundo. Para os especialistas en Pedagoxía Terapéutica ou Audición e Linguaxe, para o equipo de Orientación en xeral, estes son os seus retos do día a día. O resto dos mestres sabemos o difícil que é para nós, comprender a situación destes pequenos, e o que nos custa integralos nas nosas aulas. Moitas veces perdemos a paciencia e dámonos por vencidos cando apreciamos poucos avances ou lles damos máis importancia aos pasiños cara atrás que ás enormes zancadas que dan cara adiante. Se cadra é un erro de perspectiva. Non esquezamos o que aprendimos con "Por cuatro esquinitas de nada" ou "El cazo de Lorenzo" , que podedes volver ver neste blog. O que falta por comentar teredes que engadilo vós.

Partes de incidencias

2010-10-08T04:02:00.001-07:00

Na vida diaria do

centro debemos enfrentarnos con frecuencia a actitudes negativas por parte do alumnado. Dispoñemos dun documento que nos será moi útil durante o curso para recoller estas incidencias. O anverso debe ser cuberto pola persoa que abre o parte (un profesor, a coidadora, as nais colaboradoras, ...). O reverso será cuberto pola Xefa de Estudos, despois de obter a información sobre a incidencia, e decidir que medida se vai tomar. Lembrade que o obxectivo deste parte non é "castigar", senon rexistrar un feito que non consideramos "normal", e tomar unha decisión para que non se volva repetir.

Se observades o parte, veredes que hai un encabezado no que a Xefa de Estudos debe consignar un número; polo tanto, non debemos cubrilo. Si debemos encher o seguinte apartado, no que anotamos o noso nome (porque fomos testemuñas da incidencia), a data na que se abre o parte, a área que se estaba impartindo no momento de abrir o parte (tamén pode consignarse "Hora de Ler", ou "recreo"), e a sesión (os recreos tamén se consideran sesións).

No seguinte apartado, anotaremos o nome do alumno ao que se refire o parte. É aconsellable que, se hai varios alumnos implicados, se abra un parte para cada un. Apuntamos tamén a titoría do alumno.
No caixetín inferior explicaremos por que se abre o parte. As causas poden ir desde "non participar ou poñer en cuestión actividades de clase" (pode provir dun rexistro reiterado deste feito no caderno do profesorado), ata os danos materiais, ou agresións físicas. Se ningunha destas circunstancias ten que ver coa incidencia observada, podemos apuntalo embaixo. En todo caso, é moi importante describir os feitos o máis explícitamente posible. Como hai pouco espazo neste documento, podemos facelo noutro papel, e grapalo co parte. O imprescindible é que quede ben claro o que pasou.

O que queda por facer é moi sinxelo: asinamos, e entregamos á Xefa de Estudos inmediatamente. OLLO!: a inmediatez é moi importante, xa que a Xefatura de Estudos debe estar informada de calquera falta de comportamento por se tivese que atender a reclamación das familias ou doutros alumnos. A partir de aquí, a Xefa de Estudos consultará coas partes implicadas para tomar unha decisión; consultará co Equipo da Dinamización da Convivencia, informará a quen corresponda, e fará chegar unha copia do parte ao titor ou titora para que tamén estea informado.

Todo isto quedará reflectido no reverso do documento, que non debe ser cuberto pola persoa que abriu o parte.

Non esquezades que este rexistro é un importante instrumento de coordinación, que ten demostrado xa a súa eficacia, que axuda á mellora da convivencia, e moitas veces a descubrir situacións que doutro xeito pasarían desapercibidas. Lembrade manter a confidencialidade do seu contido (a non ser que se decida como medida a tomar o contrario). Se non dispoñedes de ningún modelo en branco, podedes atopalo nos enlaces de enriba, ou na carpeta que está na estantería da sala de mestres.

Avaliación Inicial

2010-09-23T05:52:00.000-07:00

Lamentablemente este inicio de curso vai ralentizado por circunstancias alleas ao noso traballo. Sen embargo, como mestres, estamos no período de ir facendo unha valoración das capacidades do noso alumnado. Para os titores, este labor é especialmente importante, sobre todo se é a primeira toma de contacto co alumnado. Na aplicación XADE contamos coa posibilidade de introducir datos para realizar esta avaliación inicial.

Se eres titor, e tomas contacto por primeira vez co teu grupo, preme aquí para seguir as instruccións. Recóllense datos sobre o desenvolvemento das competencias básicas, informes previos, medio sociofamiliar, e outras observacións que estimes oportunas. Será moi útil que utilices a información das carpetas colgantes do arquivo de secretaría (lembrando sempre que teñen carácter CONFIDENCIAL).

Non esquezas que estes datos aparecerán automáticamente reflectidos no informe final que se obtén a finais de curso.

Mira pola túa saúde

2010-09-16T02:09:00.001-07:00

Este é o tipo de consellos que se len e se cumpren pouco. Se queres ter unha vida sana durante este curso, preocúpate de coidarte onde máis horas pasas: no traballo. As posicións que adoptamos diante do computador son a maioría das veces (dígoo por propia experiencia) nocivas para a espalda e para a vista. Botádelle unha ollada a esta presentación e pensade se o estades facendo ben. Vixiade tamén as posturas dos que vos acompañan, a forma de sentarse e traballar dos vosos alumnos... Estámolo facendo ben? Uns minutos de entrenamento poden supoñer un gran avance na saúde de todos. A coidarse!

Mira pola túa vista e pola túa espalda

View more presentations or Upload your own.

Preparados, listos...xa!

2010-09-13T12:58:00.000-07:00

Aínda que os inicios foron algo atropelados, imos compoñendo o noso equipo de traballo para este novo curso. Agora que pasaron as Festas da Barca chega o definitivo inicio das clases. Aos que xa estaban, aos que se foron incorporando, e aos que chagarán, feliz comezo!
De aquí a finais de xuño compartiremos novas experiencias, bós momentos (e menos bós), afectos e sobre todo moito, moito traballo. Tede en conta que un dos aspectos máis valorados polo profesorado do noso centro é a relación co alumnado; o resto, haberá que ir amañándoo con boa vontade. E proba disto son as imaxes de enriba, non? Parabéns a todos pola vosa disposición.

Xa está lista!

2010-07-14T07:26:00.001-07:00

Open publication - Free publishing - More tempo

Como pasa sempre, con présas, acabamos de preparar a axenda escolar para o curso 2010-2011. Nesta ocasión, incluímos preguntas con "Por que?", ás que podemos atopar resposta na propia axenda, e ampliala na biblioteca. A axenda é unha ferramenta fundamental para facilitar a comunicación entre a familia e o profesorado, e unha axuda moi importante para organizar o traballo do alumno.

Acollida

2010-06-17T12:26:00.000-07:00

Como todos os anos, o cole recibe a visita dos alumnos que se matriculan por primeira vez no centro. Son os alumnos que chegan do C.E.I.P. "Virxe da Barca" e os pequenos de infantil que comezan o cole en setembro. Para que nos coñezan eles e as súas familias, recibímolos compartindo un par de horas con eles. Os alumnos de "Virxe da Barca", que comezan 3º de primaria o vindeiro curso, foron acollidos polos seus compañeiros, que estaban moi nerviosos e contentos por coñecelos. Posaron moi satisfeitos coas súas familias e o seu mestre, na entrada do centro. Os máis pequenos disfrutaron dunha merendiña e un tempo de lecer no patio da escola, como podemos ver no blog de infantil.

A satisfacción

2010-05-25T04:37:00.001-07:00

Agora que xa vemos próximo o fin do curso escolar, chega o momento da reflexión. Os cuestionarios repartidos durante o mes de abril ofrecen información moi interesante que dará lugar á priorización de obxectivos de mellora para o vindeiro curso.

Estes son os resultados que ofrecen os cuestionarios repartidos ao alumnado de 4º e 6º de primaria. Chama a atención o alto grao de satisfacción que recollen as 3 primeiras respostas, referidas ao nivel de formación, labor do titor ou titora, e actividades complementarias, así como a última (referida á biblioteca). Tamén é chamativo o baixo resultado rexistrado na pregunta 8 en 6º (o servizo de limpeza).

Vexamos agora os resultados recollidos entre as familias de 6º de infantil, e de 2º, 4º e 6º de primaria:

Repítese a baixa valoración que rexistra o equipamento do centro e as instalacións (preguntas 6 e 7), así como o servizo de limpeza (pregunta 10).

Podemos sentirnos moi orgullosos da opinión que lles merecen o trato co titor, e en xeral cos servizos relacionados co persoal do centro. Chama igualmente a atención a alta cualificación que ofrece a opinión do centro que se ten na zona (un 80% de valoración positiva), e é definitiva a resposta á 1ª pregunta ("De poder escoller, volvería matricular ao seu fillo no noso centro?), que supera en todos os casos un 80% de aceptación.

De vital importancia é a opinión do persoal que traballa no centro, xa que tamén somos usuarios del como docentes, ou como persoal de servizo.

É evidente que as instalacións e o equipamento deixan moito que desexar. Agardamos que coas obras prometidas no vindeiro curso o resultado sexa ben distinto.

A relación co alumnado merece unha das cualificacións máis altas (pregunta 7), e son moi ben valoradas as que se refiren á satisfacción no centro (da 1 á 3).

En xeral, a satisfacción en todos os ámbitos supera o criterio de calidade que tiñamos marcado, o que nos anima a continuar esforzándonos por mellorar o noso traballo, que é en definitiva, ofrecer un servizo de calidade.

Disculpas aos colaboradores anónimos

2010-05-18T11:53:00.000-07:00

A miña torpeza e as présas fixeron que ignorara un comentario anónimo que acompañaba un enlace (que non souben ler) para este video sobre a educación inclusiva: "El cazo de Lorenzo". É innecesario explicar de que vai. O mellor é velo:

Balance educativo 2º trimestre

2010-04-23T01:19:00.000-07:00

Aquí estamos de novo. O curso avanza veloz coma un dos nosos barcos piratas. E éstes son os resultados ( obtidos das actas das xuntas de avaliación)acadados pola nosa tripulación no 2º trimestre do curso 2009-2010.

Atención á diversidade

2010-04-19T05:41:00.000-07:00

Unha nova xornada de formación desenvolveuse ao fío do PFAC adicado á elaboración do noso proxecto educativo. A relatora foi Luz Lorenzo, orientadora que desempeña o seu labor no C.E.P. "Riomaior", en Pontevedra. Na reunión co grupo de traballo que desenvolve o Proxecto de Formación e Asesoramento en Centro, Luz adicouse a sensibilizar ao profesorado sobre a realidade do alumnado que precisa apoio e atención específica, destacando a relevancia da escola como lugar de inclusión e integración. Proporcionou información e documentación extensa, e facilitou a reflexión sobre a atención á diversidade no C.E.I.P. "Os Muíños", servíndose da lectura de artigos de especialistas como Ramón Flecha, ou Santos Guerra, e apoiándose en significativos videos como "Por cuatro esquinitas de nada", moi recomendable para entender a filosofía do seu traballo.

Nova sesión do Plan de Mellora das TICS

2010-04-09T07:25:00.000-07:00

Na tarde de onte, o profesorado do centro asistiu a unha sesión formativa sobre o uso didáctico da Pizarra Dixital Interactiva. O relatorio estivo a cargo de Sebastián Salgueiro Solves, especialista en novas tecnloxías aplicadas á educación, quen, durante 3 horas de paciencia e bo humor impartiu as nocións básicas para que todos perdamos o "medo" a utilizar este novo recurso que abre tantas posibilidades na metodoloxía de ensino. Proporcionou, ademáis, infomación sobre diversas fontes das que obter valiosos recursos para utilizar nas aulas. Agradecemos a Sebastián o seu bo talante, e congratulámonos de ter aprendido tanto e tan rápido. Que non decaiga.

Manos a la obra!

2010-03-05T05:54:00.000-08:00

No DOG de onte, día 4 de marzo, anúnciase a licitación da contratación da obra para a ampliación e remodelación do noso cole. Da noticia fanse eco os xornais da provincia, e por suposto, é primeira páxina no noso centro. Non se trata dun agasallo, senón dun obxectivo permanente nos últimos anos por parte do equipo directivo, dadas as deficiencias que se detectan repetidamente, e que levaron, nalgúns casos, á suspensión da actividade docente nalgunha aula. Elaboráronse decenas de informes, que foron enviados teimudamente ás autoridades para a súa toma en consideración, e a excepción da actual Xefa Territorial, celebráronse entrevistas con todos os Delegados que desempeñaron o seu cargo na Delegación da Coruña, e foi manifesta a unanimidade de toda a Comunidade Educativa, ata que chegou o compromiso de Xosé Manuel Mouriz, que foi renovado pola actual Administración. Non queda máis, aparte da natural satisfacción polo traballo feito, que felicitar e agradecer a todos os que, dun ou doutro xeito, uniron as súas forzas para conseguir algo que está xa rexistrado como petición desde as primeiras reunións do Consello Escolar, alá polo ano 1984. Con este panorama, non é de estrañar que todos, ata a mesmísima directora, nos poñamos "mans á obra" coa maior ilusión. Agardemos que os oito meses de obras ofrezan o resultado de ter un edificio á altura da calidade do traballo que se ofrece no seu interior. Amén.

Simulacro de Evacuación

2010-03-01T07:53:00.000-08:00

Realizouse por fin o simulacro de evacuación, no que participaron 133 alumnos, 17 profesores, 4 compoñentes do persoal de administración e servizos, e a valiosa axuda de 8 compoñentes do Parque de Bombeiros de Cee, que se persoaron no centro con dous camións completamente equipados. O simulacro desenvolveuse con normalidade, e fomos felicitados polos bombeiros, que resaltaron a excelente actitude do alumnado. Aproveitamos a ocasión para probar diversas instalacións do edificio, comprobando que na ampliación non hai medidas de seguridade suficientes (o lume do simulacro produciuse nunha aula deste edificio). Tamén se comprobou que a toma de auga da entrada funcionaba, e que se pode acceder ao recinto desde o guindastre do camión. Propuxéronse melloras, como:
- mellorar a sinalización de saída con letreiros reflectantes,
- podar as ponlas da árbore que dificulta o acceso ao edificio da ampliación,
- solicitar da Consellería a instalación de portas antipánico,
- clarificar os itinerarios de evacuación do edificio da ampliacion: debe desaloxarse baixando pola parte externa da escaleira para que o equipo de emerxencia polo interior.
Se queres acceder ao informe de realización do simulacro, preme aquí.

Despois da realización do simulacro, recibimos tamén a amable felicitación do Parque de Bombeiros de Cee, que valora o traballo realizado por todo o persoal do centro. Se dexesades ver os seu informe, premede aquí.

Oferta educativa

2010-03-01T06:43:00.000-08:00

O C.E.I.P. "Os Muiños" ven de publicar a súa oferta educativa para o curso 2010-2011. Feitas xa as reservas de praza, publícanse as prazas non cubertas para o vindeiro curso. O prazo para solicitar a admisión ábrese a partir de agora e ata o día 31 deste mes de marzo. Unha vez tramitada a admisión, a matrícula farase efectiva entre os días 20 e 30 do mes de xuño. Podes consultar todos os prazos neste documento. Se queres baixar o documento para Solicitude de Admisión, clica aquí.

Resumo do informe

2010-02-26T06:05:00.000-08:00

Despois de pechada a non conformidade resultante da auditoría de onte, resumimos as observacións feitas, que axudarán a que o noso Sistema sexa máis efectivo:
- Debemos rematar de adaptarnos á norma UNE-EN ISO 9001:2008, xa que están pendentes os procedementos dos puntos 7 e 8.
- Faranse correccións sinxelas, debidas a erros de interpretación ou a simples despistes, mellorando a efectividade dalgúns controladores (como no caso do control das accións correctivas).
- Procurarase manter un rexistro das reunións do departamento de Orientación no centro.

A Auditora detectou as seguintes oportunidades de mellora:
- Optimización dos cadernos do profesor, e desenvolvemento do caderno electrónico.
- Reducir a burocracia do sistema, así como optimizar a documentación.
Estes aspectos deberán ser tratado desde o Equipo de Dinamización da Calidade, constituído en Grupo de Mellora.

A Auditora Xefe sinalou como puntos fortes da nosa organización os seguintes:
- Colaboración do persoal auditado.
- Implicación do Equipo Directivo no sistema de xestión do centro.
- O blog "O Remuíño".
Sentímonos moi orgullosos destes comentarios, especialmente do primeiro punto, polo que supón de implicación do profesorado no desenvolvemento do traballo. Agradecemos tamén a Noelia, o seu bo carácter e a súa actitude de colaboración e comprensión, que sen dúbida foron de gran axuda para todos.

Non conformidades

2010-02-26T02:55:00.000-08:00

A falta de analizar polo miúdo o informe feito pola Auditora Xefa, a auditoría de onte ofrece un resultado magnífico: tan só unha non conformidade, que afecta á xestión, e que se solucionará hoxe mesmo. Polo tanto, non será preciso realizar un Plan de Accións Correctivas. Diante disto, so nos queda felicitar a todo o persoal, tanto o que participiou directamente, como o que tivo que substituir, o que tivo destino neste centro en cursos anteriores, e todos aqueles que pasaron os seus inevitables nervos ao enfrentarse a esta nova experiencia. Sen todos vós este resultado sería imposible. Por iso, a todos, PARABÉNS E MOITAS GRAZAS.

Rexistro de chamadas ás familias

2010-02-25T02:26:00.000-08:00

Moitas veces vémonos na necesidade de chamar por teléfono á familia dun alumno, para que veñan recollelo porque se puxo malo, para facer unha consulta sobre o seu comportamento, para citala para unha entrevista,... En moitos casos, non temos constancia de ter realizado esta chamada en ningún lado, ou non está claro por que o fixemos. Para facilitar o noso traballo, e asegurar a verificación desta chamada, colocaremos a carón do teléfono de secretaría un caderno, onde calquera persoa da comunidade educativa que avise á familia dun alumno anote as circunstancias desta chamada. Para ver o modelo, podes clicar aquí.
Probarémolo, e se dá bó resultado, integrarémolo no noso Sistema como un rexistro máis. Se tés calquera suxestión, non esquezas comentala.

Auditoría Externa

2010-02-24T06:16:00.001-08:00

Moitos vos preguntaredes para que hai que pasar unha segunda auditoría (con persoal externo), se xa pasamos unha auditoría interna. Tentaremos explicalo de forma sinxela.
O obxectivo da auditoría interna foi revisar toda a documentación para ver o que se podía mellorar. E a externa consiste en comprobar desde fóra, que de verdade fixemos o que tiñamos planificado. A función de Noelia (a auditora que virá) é axudarnos a comprobar que realmente está todo como ten que estar. A nosa función é colaborar.

Poñamos un exemplo: a un titor pode preguntarlle por un alumno con NEAE. Se o resultado na última avaliación foi negativo, houbo propostas de medidas a tomar. Temos rexistro do seu seguemento no noso caderno ou no da profesora de apoio?
Que pasa se non temos o que se nos pide? Nada. A auditora anota que non ten evidencia de que estes datos estean recollidos, sen explicitar o profesor ou alumno concreto (non é un dato relevante) para que busquemos logo formas de solucionalo. Por suposto, os datos concretos de alumnado, profesorado, etc., son completamente confidenciais, e non entran a formar parte da auditoría. O que interesa é se se está cumprindo o proceso que temos planificado, e cales son as evidencias de que se cumpre.
Unha vez rematada a auditoría, Noelia redactará un informe, no que se enumeran as accións que debemos levar a cabo para reparar posibles erros e daranos un prazo dun mes para facer un Plan de Accións Correctivas. Enviarémoslle este Plan, e deste xeito quedará actualizada a nosa certificación.

Segunda avaliación

2010-02-23T02:20:00.000-08:00

Achégase o final do segundo trimestre. Parece mentira, pero xa temos que ir recopilando todos os rexistros para ir subindo as cualificacións á aplicación XADE. Os primeiros, como sempre, serán os de Infantil. O día 2 de marzo será a data tope para imprimir os borradores, xa que a súa sesión de avaliación se celebrará o día 4 de marzo. Non esquezas consultar o calendario, para que toda a documentación estea lista no momento de celebrar a reunión. Nas entradas correspondentes á primeira avaliación do Remuíño tés a relación de documentos que precisas. Os titores xa teñen os impresos das actas nos seus ficheiros.

Medidas de Autoprotección

2010-02-23T01:42:00.000-08:00

Na tarde de onte reuniuse a Xunta de Autoprotección e aprobou o documento que analiza os riscos potenciais do centro e as medidas a tomar en caso de emerxencia. Podes consultalo clicando aquí.
Nos vindeiros días poñeremos a proba o noso sistema, e detectaremos en que partes debemos mellorar as condicións do noso centro para sentirnos máis seguros.

Plan de Calidade do Transporte

2010-02-18T07:06:00.000-08:00

Os Plans de Calidade son unha forma de planificar a mellora nun servizo que non está incluído no Sistema. Trátase de describir de que maneira imos organizar ese servizo para que o resultado sexa o máis satisfactorio posible. Neste caso, propuxémonos mellorar, no que ao centro atinxe, o Transporte Escolar, de forma que tanto o alumnado como as familias coñezan os seus dereitos e deberes: coñecer a parada no momento da matrícula, saber en que condicións poden pedir o cambio de parada, e coñecer as normas de uso. Tamén queda establecido de que forma se tratarán as incidencias que rexistran as acompañantes. Esta tarefa atinxe moi particularmente á Comisión de Convivencia. Se queres saber máis sobre este Plan, preme aquí.

Resultado da auditoría

2010-02-01T02:10:00.001-08:00

Durante a Auditoría Interna celebrada o pasado día 25, o Equipo Auditor elaborou un informe do que se deducen interesantes observacións e suxestións, e catro non conformidades. Tédelas dispoñibles no documento "Relación de non conformidades na Auditoría Interna". Comentámolas a continuación:
- A principios de curso repartimos entre os alumnos recién incorporados unhas enquisas para valorar a acollida. Non sabemos onde están, e deberemos tomar algunha medida para que isto non se volva repetir.
- O procedemento de "Orientación" está en fase de reelaboración. No que está vixente actualmente non consta ningún criterio de aceptación, que incluiremos no prazo máis breve posible.
- Non están cubertas as presentacións de todas as áreas. Xa sabiamos que isto ía pasar, dadas as circunstancias que se produciron a principios de curso. Haberá que habilitar algunha medida para que se presenten todas, mesmo fóra de prazo.
- Será preciso mellorar e facilitar o seguimento do caderno do profesorado, xa que nalgún caso non hai evidencia de que se apliquen os reforzos planificados, por exemplo. Buscaremos algún método para facilitar o seguimento do alumnado.
En resumen, das catro non conformidades, 1 se corresponde co procedemento de acollida ao alumnado, outra co procedemento de orientación, e dúas máis coas actividades de aula. O que debemos facer neste momento é deseñar algunha estratexia correctora para que as deficiencias detectadas non se volvan repetir. Manterémosvos informados.

Autoprotección

2010-01-26T06:33:00.000-08:00

Aínda estamos a tempo de cumprir co calendario anual de autoprotección. Tal como explicamos no claustro da semana pasada, renovamos o grupo operativo, e comezamos o período de formación. Se queres consultar as consignas de autoprotección, podes premer aquí, xa que che servirán de guía para comentalas cos teus alumnos. Non esquezas observar o plano que hai a carón da túa aula, e pegar en lugar visible os puntos de encontro. Faremos un ensaio o luns, 22 de febreiro, para ver se todos sabemos o lugar que debemos ocupar.

Desenvolvemento da Auditoría Interna

2010-01-25T11:46:00.000-08:00

Aínda que comezos con algo de retraso, a auditoría interna deste curso desenvolveuse con normalidade e sen especiais sorpresas. Notouse, por suposto, que non era un día normal: houbo que unir grupos, facer substitucións,... houbo máis patio para os nenos e para os profes. Aparte diso, non podemos obviar o magnífico ambiente de traballo no que se desenvolveu a xornada. A colaboración das nosas compañeiras do CRA de Ponteceso e dos asesores da Consellería, José Antonio e José Manuel foi valiosísima. Agradecemos especialmente a boa disposición dos observadores: Begoña, Estela, Rocío e Romu estiveron ao pé do canón, tomando notas, e ofrecendo suxestións (verdade....?). E, por último, os profes e persoal auditado, que puxeron á nosa disposición o seu traballo, valorando as aportacións que ofreceron os demais. A partir de agora poderemos mellorar a utilidade práctica dos nosos cadernos, facer máis áxiles as nosas programacións e poñer definitivamente en marcha procedementos que tiñamos collidos con fíos. Definitivamente, unha xornada moi aproveitada. Próximamente publicaremos o informe.Parabéns a todos.

2010-01-22T01:26:00.000-08:00

RESULTADOS DA 1ª AVALIACIÓN DO CURSO 2009-2010

Parece que foi onte cando comezamos o curso, pero xa estamos inmersos no 2º trimestre académico do curso 2009-2010.
A continuación, podedes botar unha ollada aos resultados da 1ª avaliación, datos obtidos das actas das xuntas de avaliación que se celebraron antes do Nadal, e nas que cada titor tomou rexistro de todas as observacións pertinentes.

1.- Gráfica do balance trimestral:

2.- Control dos cursos:

Que pasa coa auditoría?

2010-01-21T11:59:00.000-08:00

Como lembramos no último claustro, o luns, 25 celebraremos a Auditoría Interna correspondente a este curso. Moitos temos participado xa noutras auditorías, pero é natural que os que non participaron ata agora se pregunten exactamente que é e como lles vai afectar.
Realizar unha auditoría é como facer inventario. Trátase de ver o que temos, e comprobar que todo está no seu sitio, tal como prevíamos a principios de curso. Sería ideal que todo cadrase tal como planeamos en setembro, pero xa temos asumido que non vai ser así. Por iso facemos a auditoría: para averiguar que é o que non está donde debería, e pensar logo como podemos remedialo.
Por exemplo, se temos establecido que, como medida de seguridade, os botiquíns do centro se revisan unha vez ao ano, nunha auditoría se comprobará que están revisados,e a data da última revisión. Se temos establecido que o 70% das programacións deben entregarse antes do 15 de Outubro, durante a auditoría se buscará a documentación que reflicte que polo menos o 70% das programacións foron entregadas nese prazo.

En que me afecta a min a auditoría como mestre do centro?
Faremos un esforzo para que se note o menos posible, pero será inevitable que repercuta nos horarios, e nas substitucións. Pedimos a túa comprensión, e a túa colaboración, como sempre que se desenvolve unha actividade extraordinaria no centro.
Durante a auditoría, escollerase, ao chou, algún mestre do centro para pedirlle que colabore na auditoría directamente. Pedirémoslle que nos explique como completa o seu caderno como fai o seguimento da programación, a forma en que calculou a cualificación na avaliación, seguindo os criterios acordados a principios de curso, etc. Nese momento, é anconsellable comentar todas as dúbidas que se teñan, facer preguntas, observacións, e anotar canta suxestión poida ser útil para máis adiante. Non se trata dun exame, ou de buscar erros, ou de sinalar a ninguén; iso non sirve de nada. Trátase de buscar a forma de melloralo.
E que pasa se algo non está ben?
Nunha auditoría nunca está nada "ben" ou "mal". Simplemente non está conforme ao que tiñamos planeado. Se o botiquín non está actualizado, ou non se pode demostrar que se entregaron as programacións en tempo, ou non aparece o seguimento das actividades na aula, tómase nota, e búscase a causa para atopar a forma de remedialo. Pode ser que se nos esquecese apuntar a data de renovación do botiquín, que as programacións non se entregaran en tempo porque fallaron os ordenadores, ou que non se rexistraran as actividades de aula porque non sabíamos que tiñamos que facelo. Por iso procuraremos a maneira de previr que non volvan caducar os medicamentos, que todo o profesorado poida cumprir o prazo de entrega, ou que se lembren de anotar as actividades que van facendo cada día.
E por que ten que vir persoal alleo ao centro?
O noso cole non é moi grande, pero a súa xestión é complexa. Para revisar toda a documentación nun so día precisamos axuda. Outra razón é que o persoal que non pertence ao centro pode aportar suxestións a partir das súas experiencias, que nos axuden a mellorar a nosa. É unha excelente oportunidade para intercambiar información; por iso vos pedimos que abrades ben os ollos e anotedes calquera comentario que nos poida axudar. En cada grupo estará presente un compañeiro noso que axudará na tarefa.

Se queres coñecer cal é o plan que temos para ese día, con horarios e documentación a revisar, clica aquí.
Non esquezas compartir a hora do café. Verémonos ás 11.50

O rincón do haiku muxián

2010-01-12T02:33:00.000-08:00

Agora que comezamos un novo ano,

cheo de ilusións e promesas,

hai que ter en conta as sabias verbas

de Mario Benedetti:

Cualquier futuro

es una peligrosa

adivinanza.

O rincón do haiku muxián

2009-12-17T10:54:00.000-08:00

Por cada persona que perdemos,

ganamos un ángel en el cielo.

Por cada lágrima que derramamos,

recordamos a quien ya no está.

(Dedicado a la memoria de Mª José,

que se fue siendo maestra).

Valoración do curso "Aprendemos a servir no comedor"

2009-12-16T10:27:00.000-08:00

A maior parte do profesorado e o alumnado do centro son usuarios de comedor. Co fin de mellorar o servizo deseñouse un plan para que o alumnado de 5º e 6º, que actúan como "camareros" aprendesen a servir e atender as mesas como auténticos profesionais. Por isto, durante un mes, recibiron a formación axeitada por parte de Sandra, a cociñeira. Os resultados son, cremos, visibles. O alumnado axuda aos seus compañeiros menores mentres comen, a comida é servida con maior eficacia, a distribución das mesas facilita o traballo....

Vese que o curso impartido foi, realmente, eficaz. Pero, cal foi a valoración que fixeron do curso os asistentes? E a cociñeira, como "mestra" ? Podemos comprobalo por medio destas gráficas, obtidas do cuestionario que o alumnado participante tivo que responder.

Nesta gráfica observamos que todos os aspectos do curso son cualificados coa máxima puntuación (4) polos participantes no curso, agás o "horario" adicado ao curso, que obtén unha media de 3. Menos de cinco alumnos outorgan unha cualificación de 1.

Esta outra de "porcións de queixiño" parécenos moi axeitada para reflectir a valoración da formadora (cunhas puntuacións entre 1 e 10). Sandra valora cun 7 ao 34% dos aprendices. Só un 2% está valorado por embaixo do 5. Dez dos corenta e sete alumnos valorados obteñen un 9, e sete obteñen un 8. Só un alumno obtén unha cualificación de 10, e queremos reflectir aquí o anotado pola reponsable sobre este alumno, porque nos parece de especial valor:

"Moi ben con diferencia. Intenta poñer en práctica (e consígueo) todo o que lle explicaron. E sale del o dtalle na mesa: procura que cubiertos, mesas e sillas estean en cada momento alineados e perfectamente limpos; incluso está sempre moi pendente do comensal. Se tivera cinco ou seis anos máis atreveríame a dicir que naceu para a hostelería profesional".

É todo un informe de referencias positivas para conseguir un traballo. Esperemos que ninguén deixe que perda as súas oportunidades na vida.

Se queres acceder ao informe do curso, coas observacións do alumnado (ben curiosas, algunhas delas), preme aquí.

Dúbidas sobre as actas de avaliación

2009-12-10T11:59:00.000-08:00

Sempre que utilizamos un modelo por primeira vez temos dúbidas sobre como enchelo. Agardamos que con estas aclaracións poidades entregar as actas de avaliación NI-QUE-LA-DAS. Podedes consultar as veces que precisedes. Non esquezades nunca o enderezo do blog. Os documentos siguen aquí.

Como vedes, na columna da esquerda da primeira páxina pide que escribades o número de alumnos que están por enriba do límite de faltas de asistencia. En primaria, a porcentaxe de faltas de asistencia sobre o número total de sesións é do 15%. Se tedes algún alumno nese caso, debedes contabilizalo na cuadrícula "Nº". Canto supón ese número de alumnos (non conformes en asistencia), con respecto ao total? Debedes consignalo na cuadrícula "%". Agora poderemos saber se o noso curso é conforme ou non con respecto ás faltas. Onde está iso recollido? No documento escondido aquí. Por exemplo, se eu son a titora de 3º, e o 30% do meu alumnado supera o límite de faltas, o meu grupo será non conforme. Deberemos analizar a situación, e tomar medidas. Afortunadamente, é moi raro que isto suceda.

Imos agora coa columna da dereita. Aquí consignamos o número de alumnos que suspenden máis de dúas áreas. Calculamos a porcentaxe sobre o número total de alumnos do noso grupo, e o anotamos na cuadrícula "%". Se esa porcentaxe supera o límite que temos fixado no documento que vimos anteriormente, a Xefa de Estudos consignará a non conformidade do grupo. Neste caso, na seguinte reunión de ciclo, debedes acordar medidas a tomar co grupo, xa que un elevado número de suspensos nunha aula debe dar lugar a accións claras e concretas a tomar entre todo o profesorado.

Fixémonos agora no recadro superior. Aquí debemos consignar as áreas que non completaron a programación que tiñan prevista. Un grupo será non conforme se máis de dúas áreas non cumpriron o previsto. Será preciso averiguar as causas e acordar algún tipo de medida para mellorar a situación.

Lembrade que, en todo caso, será necesario que a Xefa de Estudos saiba se o voso grupo é conforme ou non con respecto á programación impartida, á porcentaxe de alumnos que superan o límite de faltas, e á porcentaxe que superan o límite de suspensos. Desta forma, poderemos facer un balance educativo útil que nos sirva para superar as dificultades deste trimestre, propoñer melloras, ou buscar a solución a determinados problemas.

III Encontros de centros educativos con Plans de Autoavaliación e Mellora da calidade

2009-12-10T04:18:00.000-08:00

Grazas á colaboración do CEIP Nosa Señora dos Remedios dispoñemos de fotografías dos Encontros:

Os pasados 3 e 4 de decembro celebráronse en Sanxenxo os III encontros dos centros con Plans de Autoavaliación e Mellora da Calidade na Educación. A idea fundamental que extraemos é que cada centro educativo debe funcionar como unha organización na que todos aúnen esforzos na consecución dun fin. Expoñemos os puntos que artellarían este obxectivo:

- Organizar / Aprender: Debemos aprender xuntos.O profesorado que se atopa no centro debe aportar as súas experiencias ao persoal de nova incorporación, ao tempo que aproveita e recoñece o labor dos que estiveron antes.

- O sistema de autoavaliación debe ser razonable e asequible:
A avaliación terá un triple enfoque: externo (como sistema de control), interno (manifestando unha actitude favorable ao cambio), e mixto.

- Peculariedades: O sistema educativo engloba á comunidade educativa (familias, alumnado, profesorado), ofrece un servizo (prestado polo profesorado), que o alumno recibe, sendo ademais o protagonista do sistema.

- O sistema refírese a valores, e non a normas :Respecta a liberdade dos alumnos , e fai atractivos os valores, non os impón (impoñer é o contrario de educar).

Aclaramos estes Encontros non se adicaban a centros que estivesen certificados, nin que se xestionasen seguindo a norma ISO. Simplesmente, serviu como punto de partida para sementar en todos eles o afán de mellora continua.

A comunicación

2009-12-02T02:22:00.000-08:00

Galinus en Mudanza from galinustv on Vimeo.

Onte recibimos a visita de Daniel Cerqueiro, que forma parte do equipo de Galinus. Presentou diversos aspectos relacionados coa web 2.0, para que nos fósemos poñendo ao día nisto das novas tecnoloxías. Penso que a súa charla resultou máis que interesante, porque aínda que valoremos as aportacións que fixo sobre recursos que nos poden ser útiles no noso traballo, a súa reflexión sobre a democratización da comunicación e a perda dos monopolio da información sitúanos definitivamente nesta nova etapa da historia na que os nosos alumnos serán os protagonistas. O video é unha mostra da súa forma de traballar; será o futuro? Visita a súa web, que mesmo "en reformas" ofrece información. Queda incluída na marxe, por suposto.

E despois, que facemos?

2009-12-01T12:56:00.001-08:00

Agora xa temos toda a documentación cumprimentada. Se algún grupo supera o límite de non conformidades, na próxima reunión de ciclo acordaremos as medidas a tomar. A acta debe estar firmada por todos os asistentes, e os titores a entregarán á Xefa de Estudos para que faga o balance trimestral.
Só nos queda un traballo: imprimir os boletíns. Debemos revisar antes a lista de cualificacións de XADE por se hai que facer algunha modificación. Para imprimir os boletíns, lembrade as instruccións do modelo NM75010502).

E as titoras, que facemos?

2009-12-01T12:43:00.001-08:00

As titoras presidides e moderades a Xunta de Avaliación. Debedes recopilar toda a inforamción facilitada polos especialistas, e reflectila na acta que atoparedes na carpeta colgante do voso grupo, no armario dos expedientes. Todos debedes ter presentes as cualificacións do grupo, e por suposto vós, como titores, tamén debes introducilas no XADE.
Durante a sesión, tomades nota das accións a adoptar cos alumnos que considerades "non conformes" (os que teñen máis de dúas áreas suspensas en primaria, ou os que non cumpren os obxectivos mínimos en infantil).
Lembrade que o noso grupo será non conforme:
- se máis do 30% do alumnado suspende máis de dúas áreas e sodes titoras do 1º ou do 2º ciclo.
- Se maís do 35% do alumnado suspende máis de dúas áreas e sodes titoras do 3º ciclo.

Eu son especialista. Que teño que facer na Xunta de Avaliación?

2009-12-01T12:20:00.000-08:00

Antes da sesión de avaliación tedes que introducir as cualificacións na aplicación XADE. Deste xeito, todos podemos dispoñer das cualificacións do grupo ao chegar á reunión, e "aforramos" tempo. So debemos acordar as accións que imos tomar en caso de que algún alumno non supere os obxectivos marcados nos nosos criterios de avaliación. Os profesores interesados debemos tomar nota desas accións no noso caderno (lembrade as claves do NM75010501) para facer un seguimento das mesmas, e avaliar o seu resultado no seguinte trimestre. Se hai algunha particularidade que engadir e non estea reflectida nas claves da acta, anotarémola no MD75010503 (Consideracións derivadas da Xunta de Avaliación).

Documentos da avaliación

2009-11-27T07:29:00.000-08:00

Cando chegamos á sesión de avaliación, tanto a titora como os especialistas xa dispoñerán do borrador coas calificacións do grupo. Durante a sesión debemos comentar estas cualificacións, por se é preciso modificar algunha, pero centrarémonos nos casos máis preocupantes, cos que debemos tomar algunha acción. Tanto as causas das non conformidades como as medidas a tomar están consignadas no documento NM75010501, que contén as claves de apoio para a Xunta de Avaliación.

Antes da avaliación

2009-11-27T06:14:00.000-08:00

Recopila toda a información posible. Se durante o trimestre estiveches utilizando o teu caderno, agora será moito máis doado. Non tes máis que calcular a nota final despois de analizar os teus rexistros. Se non o usaches, debes ter presente os criterios de avaliación que comunicaches á Xefatura de Estudos, para calcular a nota da avaliación partindo das anotacións que tomaras durante o trimestre en calquera formato. Cando teñas decidida a nota, debes rexistrala en XADE, tanto se eres especialista como se eres titor. Desta forma, a secretaria poderá imprimir o borrador da acta antes de que celebredes a sesión de avaliación, e todos poderedes dispoñer das cualificacións que introduciron os demais. Se tés dúbidas sobre como introducir as notas en XADE, utiliza este modelo.

O rincón do haiku muxián

2009-11-27T01:23:00.000-08:00

Prohibir un libro

es el modo más fácil

de promoverlo.

(Mario Benedetti )

Abreviando, que é xerundio!

2009-11-25T07:59:00.000-08:00

Pois si. Xa tivemos unha reunión. Non sei cantas nos esperan. Pero serán ben acollidas se son para "alixeirar". É unha boa cousa aforrar papel. E como sempre digo eu: "lo bué si bre, dos veces bué". Como sempre fun inimiga do papeleo... agora estou empezando a aproveitar isto das "tenologhias" e a ver que sae de aquí. Os meus parabéns ós inventores destes trebellos.

Preparámonos para a Primeira Avaliación

2009-11-24T02:15:00.001-08:00

Parece mentira, pero xa estamos rematando o 1º trimestre. Agora debemos recopilar os datos que estivemos recollendo durante estes meses, e volcalos nun dos nosos traballos fundamentais: a avaliación. Supón facer unha reflexión moi pausada, pero se temos o apoio documental do noso caderno, veremos como todo resulta máis doado. Agora debes estar pendente das datas para non retrasar o traballo (para ver o calendario, preme na táboa da esquerda).Se tedes dúbidas sobre como introducir as notas en XADE, anotádevos no calendario de formación que está, como sempre, na sala de mestres.

O Grupo de Mellora

2009-11-24T02:01:00.000-08:00

O xoves, día 13 comezaron as reunións do Grupo de Mellora. Romu, Isabel, Aurelia, Rocío Vázquez e Susana adicaranse a revisar e simplificar a documentación do noso Sistema, a apoiar aos compañeiros coa formación que precisen, e a preparar o necesario para que as auditorías interna e externa cumpran co seu cometido. Ah! E ademáis, son os encargados de actualizar este blog. Nada... un pouquiño traballo para pasar o tempo...

Nesta primeira reunión trazáronse liñas de traballo para o curso. A fundamental, sen dúbida, será a de simplificar a documentación, para facer o noso Sistema máis áxil e efectivo.

O rincón do haiku muxián

2009-11-20T01:48:00.000-08:00

Non sempre tarda o mesmo en amencer,

pero ao fin, amence.

O rincón do haiku muxián

2009-11-17T02:26:00.000-08:00

La más cercana

de todas las fronteras

es con mi prójimo.

(Mario Benedetti)

Comunicación coas familias

2009-11-11T07:47:00.000-08:00

Dentro das melloras previstas cada ano, seguro que teremos que incluir permanentemente un obxectivo relacionado coas familias. A partir dunha suxestión nacida na auditoría do curso pasado, decidimos aproveitar a comunicación do horario de atención ao público para difundir os resultados das enquisas de grao de satisfacción. Estas realízanse entre as familias do alumnado que remata ciclo. O resultado pon en evidencia as carencias máis salientables no noso centro. Se clicas na imaxe, poderás ver completa a nota que enviamos.

Deixa de preocuparte

2009-11-10T07:04:00.000-08:00

Na vida diaria suceden diversas situacións que ocupan a nosa cabeza e o noso tempo. Moitas delas xogan na nosa contra, porque lastran a nosa actividade, e o que é pior, o noso ánimo. No "País Semanal" do pasado domingo, 8 de novembro, publicouse un artigo moi interesante, que pode facernos reflexionar, e tamén servirnos de axuda. Engádense no artigo unha breve bibliografía, para quen queira "profundar" no tema, e algúns consellos breves e prácticos.

Resultados da homoxeneización

2009-11-06T07:53:00.001-08:00

Neste gráfico aparece reflectido o resultado do traballo de homoxeneización dentro dos ciclos. Para chegar a isto, cada responsable de área, por ciclos, tivo que fixar uns criterios de avaliación e, logo do acordado nas reunións de ciclo, comunicalo á Xefatura de Estudos. Como se aprecia na gráfica, todos os ciclos, agás o primeiro, cumpren co criterio de calidade (60% das áreas teñen comunicado o seu criterio). É evidente que as dificultades xurdidas a principios do presente curso teñen unha incidencia notable no traballo do primeiro ciclo. Esta circunstancia debe ser coñecida pola Administración Educativa. Tamén se aprecia a importancia da implantación do novo currículo en Infantil.

Reconto

2009-10-30T06:31:00.000-07:00

Aquí tamén hai sitio para a beleza...Algo melancólico, pero axeitado ao tempo do outono. Disfrutádeo.

PLAN DE FORMACIÓN

2009-10-30T05:45:00.000-07:00

Ás veces parece que os mestres sabemos un pouco de todo. Non é así. Moitos de nós estudamos a carreira sen saber o que era un PC, porque non os había. Agora temos que saber encher os datos dos nosos alumnos en XADE, rexistrar alí as faltas e consignar as cualificacións ao remate de cada trimestre. Todos os anos aparece algo novo. E non sempre a Administración educativa está cerca para solucionar a papeleta. Así que o máis práctico é aproveitar o que saben uns en beneficio dos outros. Por iso deseñamos este Plan Anual de Formación. Algúns dos cursos que verás aquí consignados xa están feitos. Outros están pendentes. Seguramente non poderemos cumprilo tal como quixéramos, pero faremos todo o posible. Queres botar unha man?

Plan Anual

2009-10-30T03:48:00.000-07:00

Xa está publicado o Plan Anual correspondente ao curso 2009/2010. Para elaboralo, tívose en conta a Revisión do sistema realizada en xullo deste ano, na que se recolleron as enquisas de grao de satisfacción, as suxestións e as non conformidades do curso. En vermello consígnanse os obxectivos que se formulan como novidade. En todos aparece reflectida a situación actual, o responsable de levalo a cabo, e a temporalización prevista. Observaredes que hai unha columna na que se explicita a orixe do obxectivo. É importante tela en conta, porque debemos xustificar a inclusión de cada un no noso Plan. Premendo na imaxe, terás acceso ao documento completo.

A MISIÓN

2009-10-29T08:15:00.001-07:00

En febreiro do 2009 revisamos a nosa MISIÓN por primeira vez. É un traballo intensivo no que se recollen as ideas de todo o claustro para resumilas nunha soa frase, a que explica a finalidade do noso traballo. Esta frase, elaborada polo Grupo de Mellora, dirixe a planificación do labor dos catro anos seguintes. Se queres ver a redacción final, preme aquí.